Fransa ABŞ-ın dəstəyi ilə kömürlə işləyən elektrik stansiyalarının özəl maliyyələşdirilməsinə tam qadağaya nail olmaq niyyətindədir. 

Valyuta.az xəbər verir ki, bu barədə "Reuters" mənbələrə istinadən məlumat yayıb.

Plan yeni kömürün ləğvi siyasəti adlanır və Dubayda keçiriləcək BMT-nin İqlim Dəyişikliyi Konfransında təqdim olunacaq. Agentlik aydınlaşdırır ki, bu, maliyyə institutları və sığorta şirkətləri tərəfindən nağd investisiyaların kəskin məhdudlaşdırılmasını nəzərdə tutur.

"Biz karbon tutma sistemləri ilə müşayiət olunmayan yeni kömür layihələrinin bütün özəl maliyyələşdirilməsini dayandırmaq niyyətindəyik", deyə "Reuters" Fransa rəsmisindən sitat gətirib.

Fransa və ABŞ Hindistan hökumətinin üzvlərini də təşəbbüslə tanış edib. Agentlik qeyd edir ki, əsas məqsəd iqlimin daha da istiləşməsinin qarşısını almaqdır.

Bununla belə, plan enerji istehlakı üçün kömürdən çox asılı olan Hindistan və Çin də daxil olmaqla Asiya ölkələrinin geri çəkilməsi ilə üzləşə bilər. Nəşrin mənbələri dəqiqləşdirib ki, onlar yeni kömür elektrik stansiyalarının tikintisini çətinləşdirmək cəhdlərinə qarşıdırlar.

Paşa Məmmədli