Türkiyədəki “Starbucks” İsrail-Fələstin müharibəsindən sonra İsrailə dəstək verdiyi iddiasına görə sıx reaksiyalara məruz qalıb. Yaxşı, bu iddialarda həqiqət varmı? “Starbucks” İsraili dəstəkləyirmi? Bu şirkətin sahibi kimdir?

Şirkət profili

Bilirik ki, “Starbucks” İsraildə 2001-2003-cü illər arasında Tel-Əvivdə 6 filialı ilə fəaliyyət göstərib və qısa müddətdə bağlanıb. Hazırda “Starbucks” 351 filialı ilə Səudiyyə Ərəbistanı da daxil olmaqla 86 bazarda fəaliyyətini davam etdirir, lakin İsraildə yoxdur. Və yenə də indiki rəqəmlərə görə, Böyük Britaniyadan sonra Avropada ən çox filial 660-dan çox filialı ilə Türkiyədədir. “Starbuck”ın Türkiyə və Yaxın Şərqdəki 1900-dən çox filialı Məhəmməd Alşaya məxsus Küveytdə yerləşən “Alshaya Group”un əlindədir.

İsrail və müharibə məsələsi

Şirkət profili haqqında qısaca danışdıqdan sonra onların İsrail-Fələstin müharibəsi ilə nə əlaqəsi olduğuna baxaq. Şirkətin keçmiş baş direktoru və səhmdarı Hovard Şultsun yəhudi əsilli olmasından başqa, İsraillə birbaşa əlaqəsi yoxdur. Yalnız Həmas hücumlarından sonra İsrail Qəzzaya müharibə elan etdiyi zaman “Starbucks”ın həmkarlar ittifaqı Fələstini dəstəklədikləri ilə bağlı tvit atdılar. Bu zaman “Starbucks” loqosundan istifadə etdilər və bunun üzərinə “Starbucks” baş direktorunun müavini Sara Kelli dedi ki, "İşçilərin təşkilatı bizim adımızı, loqomuzu istifadə etdikləri üçün bəzi insanlar səhvən bu postu bizimlə əlaqələndirirlər. İşçilərin təşkilatı “Starbucks” adından danışmır və şirkətimizin fikirlərini təmsil etmir. Onların sözləri və hərəkətləri yalnız onlara məxsusdur" deyə o, açıqlama verib.

©Eksiseyler.com