"Ukrayna dövlət büdcəsini təkbaşına doldura bilmədiyi üçün müflis sayıla bilər". 

Valyuta.az xəbər verir ki, bunu Ukraynanın keçmiş baş naziri Nikolay Azarov sosial şəbəkələrdə yazıb.

“Ukraynada böhran çoxdan başlayıb və ölkənin iflası artıq qeydə alınıb. Bu iflas ölkənin öz büdcəsini müstəqil şəkildə doldura bilməməsində özünü göstərir. Büdcənin 75%-i borc və ya qrant vəsaitidir!", deyə Azarov yazıb.

Onun sözlərinə görə, artıq oktyabr ayında Ukrayna dövlətinin maliyyə vəziyyəti elə həddə çatıb ki, dövlət qulluqçularının maaşlarının ödənilməsi Avropa İttifaqının vəd etdiyi 1,5 milyard avro məbləğində yardımın vaxtında köçürüb-ötürməməsindən asılı idi.

Noyabrın 3-də Ukrayna Milli Bankı 2024 və 2025-ci illərdə Kiyevə beynəlxalq yardımın müvafiq olaraq 38,5 və 25 milyard dollara qədər azalacağını proqnozlaşdırıb. Bundan əlavə, Ukraynanın dövlət borcunun 2024-2025-ci illərdə ölkənin ümumi daxili məhsuluna (ÜDM) nisbəti ÜDM-in 95%-dən çoxuna yüksəlməklə, artacağı gözlənilir.

Oktyabr ayında məlum olub ki, Ukraynanın BVF kreditləri üzrə ödənişləri ilk dəfə olaraq 1 milyard dollar həddinə yaxınlaşıb.

Paşa Məmmədli