Bakıda 10 şirkət barəsində vergilərin, rüsumların ödənilməsi, maliyyə və sığorta qaydaları əleyhinə olan (Məcburi auditdən yayınma) inzibati xəta protokolu tərtib olunub.

Valyuta.az-ın məlumatına görə, "Devono" MMC, "Fabio" MMC, "Az Smart" MMC, "Alioglu Construction Company" MMC, "Az Deniz" MMC, "Azplast Tədarük" MMC, "Idg Construction" MMC, "Direct Supply Services" MMC, "Bak" MMC, "Agt Trading" MMC-yə qarşı İnzibati Xətalar Məcəlləsinin 464-cü maddəsi ilə protokol yazılıb.

İnzibati Xətalar Məcəlləsinin 464-cü maddəsinə əsasən, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək, hüquqi şəxslər 1500 manatdan 2500 manatadək məbləğdə cərimə edilir.

Bütün işlərə Yasamal Rayon Məhkəməsində ayrı-ayrılıqda baxılacaq. 

Vüqar