Alimlər beyni bədənin qalan hissəsindən asılı olmayaraq canlı saxlaya bilən cihaz ixtira ediblər.

Valyuta.az xəbər verir ki, ABŞ- ın Texas Universitetinin (UT) Cənub-Qərb Tibb Mərkəzinin tədqiqatçıları ketaminlə anesteziya edilmiş donuzun beyninə qan axınını bərpa edə bilmiş, kompüterləşdirilmiş alqoritm isə orqan üçün lazım olan qan təzyiqi, miqdarı, temperaturu və qida maddələri ilə onu təmin etmişdir. .

Nevroloqlar qrupu, bədənin qalan hissəsindən heç bir bioloji giriş almamasına baxmayaraq, beyindəki fəaliyyətin 5 saat ərzində minimal dəyişikliklər göstərdiyini bildirib. Alimlərin fikrincə, eksperimentin uğuru insan beyninin digər bədən funksiyalarına təsir etmədən tədqiq etmək üçün yeni yollar aça bilər, eyni zamanda bu texnologiya gələcəkdə beyin transplantasiyası əməliyyatlarının aparılması potensialını da ortaya qoyur.  Xarici amilləri nəzərə almadan hipoqlikemiyanın beyinə təsirini daha yaxşı başa düşmək üçün ekstrakorporeal pulsatil qan dövranı nəzarəti (EPCC) adlanan ilk növ sistem artıq istifadə olunur.

Aşağı qan şəkəri ilə bağlı araşdırmalar adətən laboratoriya heyvanlarının qida qəbulunu məhdudlaşdırmağı və ya onlara müəyyən miqdarda insulin verməyi nəzərdə tutur, lakin heyvan orqanizmlərinin maddələr mübadiləsini dəyişdirərək bu amilləri kompensasiya etməyin öz təbii yolları var. Beyinin bu şəkildə təcrid edilməsi tədqiqatçılara qida qəbulunun bədənin təbii müdafiə mexanizmlərindən asılı olmayaraq təsirini öyrənməyə imkan verir.

Tədqiqat Scientific Reports elmi jurnalında dərc olunan "Donuz beyin funksiyasının ekstrakorporeal pulsatil qan dövranı nəzarəti (EPCC) altında saxlanması" adlı bir araşdırmada ətraflı təsvir edilmişdir.

Elmir