Yanvar-oktyabr aylarında Rusiya ilə Çin arasında ticarət dövriyyəsi 27,7% artaraq 196,48 milyard dollara çatıb. 

Valyuta.az TASS-a istinadla xəbər  verir ki, bu barədə Çin Xalq Respublikasının Baş Gömrük İdarəsi məlumat yayıb.

Bu ilin 10 ayı ərzində Çindən Rusiyaya ixrac 52,2% artaraq 90,08 milyard dollara yaxın, Rusiya Federasiyasından mal idxalı isə 12,4% artaraq 106,4 milyard dollar təşkil edib.

Bu dövr üçün Rusiya Federasiyasının müsbət saldosu 16,32 milyard dollar təşkil edib. Ötən ilin müvafiq dövrü ilə müqayisədə təxminən 53% azalıb.

Çin gömrük məlumatlarına görə, oktyabrda Rusiya Federasiyası ilə Çin arasında ticarətin həcmi 19,79 milyard dollara çatıb ki, bu da sentyabr ayı ilə müqayisədə 9% azdır. Aylıq olaraq Rusiya idxalı 3,7% azalaraq 11,1 milyard dollara, Çin ixracı da 10,2% azalaraq 8,69 milyard dollara düşüb.

Rusiya Çinə əsasən neft, təbii qaz və kömür tədarük edir. Çin - sənaye və xüsusi avadanlıq, oyuncaqlar, ayaqqabılar, avtomobillər, kompüterlər və germanium ixrac edir.

Oktyabrda Rusiyanın baş naziri Mixail Mişustin bəyan edib ki, 2023-cü ilin yanvar-sentyabr aylarında Rusiya ilə Çin arasında ticarət dövriyyəsi 27% artaraq 16 trilyon rubl təşkil edib.

Qeyd edək ki, Çin Xalq Respublikasının Baş Gömrük İdarəsinin məlumatına görə, yanvar-oktyabr aylarında Çin və ABŞ arasında ticarət illik müqayisədə 13,2% azalaraq 550,77 milyard dollar təşkil edib.

Nicat