Hazırda Rusiya Federasiyası və MDB ölkələrində ticarətdə milli valyutaların payı 85%-i ötür.

Valyuta.az xəbər verir ki, bu barədə Rusiyanın iqtisadi inkişaf naziri Maksim Reşetnikov “Rossiyskaya qazeta”ya müsahibəsində bildirib. 

Onun sözlərinə görə, Rusiya rublu ABŞ dolları və avronu sıxışdırıb və Rusiyanın MDB ölkələri ilə xarici ticarət müqavilələrində əsas valyutaya çevrilib.

"İxrac-idxal əməliyyatlarının 80%-dən çoxu rublun payına düşür", - nazir bildirib.

O, qeyd edib ki, MDB ölkələrinin valyutaları idxalın ödənilməsi üçün istifadə olunur, bəziləri isə Moskva birjasında satılır.

Nazir MDB perimetri xaricində valyutalarla bağlı vəziyyət barədə də danışıb. O, “qarşılıqlı hesablaşmaların demək olar ki, 95%-ni rubl və yuanın təşkil etdiyi” Rusiya-Çin ticarətinə diqqət çəkib. Bu cütün orta ticarət dövriyyəsi bir gündə 200 milyard rubla yaxınlaşıb. Reşetnikovun qeyd etdiyi kimi, bu cür əməliyyatlar Rusiya Federasiyasına yuandan təkcə Çinlə deyil, həm də digər ölkələrlə ticarətdə istifadə etməyə imkan verir  ki, bu da daxili "iqtisadiyyat və vətəndaşların müxtəlif mallara" ehtiyaclarını ödəməyə imkan verir.

Oktyabrın 12-də Rusiya prezidenti Vladimir Putin Rusiya-Qırğızıstan danışıqlarının yekunlarına əsasən bəyan edib ki, Rusiya və Qırğızıstan qarşılıqlı ticarətdə aktiv şəkildə milli valyutalara keçirlər, kommersiya əməliyyatlarında rublun payı 83%-ə çatıb.

Bir qədər əvvəl bildirilib ki, 2023-cü ilin iyununda Rusiyanın Amerika və Avropaya ixracdan rublla əldə etdiyi gəlirin payı tarixi maksimuma çatıb.

Nicat