Məşhur analitik Ming-Chi Kuo-nun təqdim etmiş olduğu məlumata əsasən "Apple" şirkəti yaxın 1 il ərzində süni zəka üçün nəzərdə tutulmuş serverlərin alınmasına 5 milyard dollar vəsait xərcləməyi planlaşdırır. Görünür, "Apple" generativ süni zəka sistemləri yarışına ciddi şəkildə qoşulmağı hədəfləyib. Belə ki, şirkət İT sahənin bu istiqamətində digərlərindən geridə qalıb.

Son 1 il ərzində şirkətlər aktiv şəkildə öz məhsullarına süni zəka sistemlərini inteqrasiya edirlər. "Microsoft" və "Google" isə bu mövzuda lider şirkətlərdir. İndi isə Ming-Chi Kuo bildirib ki, "Apple" süni zəka üçün serverlərin alınmasını planlaşdırır. Məlumatda qeyd edilib ki, şirkət bu istiqamətdə ilin sonuna kimi 620 milyon dollar, gələn il üçün isə 4.75 milyard dollar sərf etməyi hədəfləyib. Ümumilikdə şirkət 25 000 ədəd server əldə etməyi nəzərdə tutub.

© Technote.az