Azərbaycanda ağır cinayət törətməkdə təqsirləndirilən əcnəbi iş adamının məhkəməsi başlayır. 

Valyuta.az xəbər verir ki, söhbət Al-Ubeydi Ədhəm Məhəmməd oğlundan gedir. 

O, Cinayət Məcəlləsinin 126.2.4-cü (Qəsdən sağlamlığa ağıq zərər vurma - ümumi təhlükəli üsulla, xuliqanlıq niyyəti ilə törədildikdə) maddəsi ilə ittiham olunur. 

Cinayət işinin ibtidai istintaqı başa çatıb və iş baxılması üçün Bakı Ağır Cinayətlər Məhkəməsinə göndərilib. 

Noyabrın 3-nə iş üzrə məhkəmə hazırlıq iclası təyin edilib. İclas hakim Siyavuş Hacıyevin sədrliyi ilə keçiriləcək. Rəhimov Sadiq Vidadi oğlu iş üzrə zərərçəkən qismində tanınıb. 

Al-Ubeydi Ədhəm Məhəmməd oğlu “Narginer RR” MMC-nin qanuni təmsilçisidir. Şirkət 2023-cü ildə qeydiyyata alınıb. Nizamnamə kapitalı 10 AZN-dir. 

“Narginer RR” MMC haqqında açıq mənbələrdə heç bir məlumat yoxdur. 

Hüseyn