Rubl ən azı oktyabrın sonuna kimi məzənnəyə təsir edəcək bir neçə səbəbə görə möhkəmlənir. 

Valyuta.az xəbər verir ki, müvafiq açıqlamanı iqtisadçı ekspert Konstantin Tserazov “Praym”a müsahibəsində deyib.

Ekspert qeyd edib ki, milli valyutanın möhkəmlənməsinin əsas səbəbləri xarici valyuta gəlirlərinin məcburi satışı, vergi dövrü və hakimiyyətin ritorikasıdır. O, rubl üçün "mükəmməl sakitliyin" olduğunu deyib.

İqtisadçı xatırladıb ki, rublun bahalaşması oktyabrın 12-də, prezident Vladimir Putinin bəzi Rusiya ixracatçılarını xarici valyuta gəlirlərini satmağa məcbur edən fərman imzaladığı xəbərinin ertəsi günü başlayıb. İqtisadçı deyib ki, bu amili həlledici hesab etmək olar.

"Oktyabrın ortalarında dövlət başçısı qeyd edib ki, büdcəyə dolların rubla məzənnəsinin “bir qədər aşağı” olması lazımdır. O zaman dollar 97,3 rubl olub. Beləliklə, istənilən diapazon təxminən 92-95 rubl təşkil edir", Tserazov deyib. 

Möhkəmlənmə oktyabrın sonuna qədər davam edə bilər.

“Sonra, vergi mövsümü başa çatdıqda, digər amillər işə düşəcək. Çox güman ki, ilin sonuna kimi məzənnə büdcə və iqtisadiyyat üçün optimal olan müəyyən edilmiş limitlər daxilində dəyişəcək”, - ekspert yekunlaşdırıb.

Nicat