ABŞ-ın aparıcı maliyyə ekspertləri qlobal iqtisadiyyatın tənəzzül riski və yüksək inflyasiya kimi çağırışların öhdəsindən gəlmək qabiliyyəti ilə bağlı artan narahatlıqlarını ifadə ediblər. 

Valyuta.az xəbər verir ki, "Bloomberg" bu barədə "JPMorgan"ın baş direktoru Ceymi Dimon və "Bridgewater Associates"in keçmiş rəhbəri Rey Dalionun fikirlərinə istinadən yazır.

"JPMorgan"ın baş icraçı direktoru mərkəzi bankların təxminən bir il yarım əvvəl maliyyə proqnozlarında tamamilə səhv olduğunu deyib. Ər-Riyadda keçirilən konfransda çıxış edən Dimon tənzimləyicilərin və hökumətlərin inflyasiya və iqtisadi artımın yavaşlaması nəticəsində öhdəsindən gələ biləcəklərinə şübhələrini ifadə edib. Nəşr yazır ki, bu, 2024-cü ildə qlobal iqtisadi artım tempinə mənfi təsir göstərə bilər.

"Fiskal xərclər indi sülh dövründə hər zaman olduğundan daha çoxdur və mərkəzi bankların və hökumətlərin hamısının öhdəsindən gələ biləcəyi hissi var. Gələn il nə olacağı ilə bağlı ehtiyatlıyam”, deyə Dimon bildirib.

Dimon bugünkü vəziyyəti 1970-ci illərlə müqayisə edərək faiz dərəcələrinin sonrakı artımının təsirini rədd edib. 

Rey Dalio 2024-cü ildə qlobal iqtisadiyyatla bağlı proqnozunun pessimist olduğunu bildirərək həmkarını dəstəkləyib və hökumət borcunun yüksək səviyyəsi, münaqişə və iğtişaşlar kimi bir sıra riskləri əsas gətirib.

Paşa Məmmədli