"Amazon"un qurucusu Ceff Bezos aldığı malikanə ilə gündəmə gəlib.

Valyuta.az xəbər verir ki, bu barədə "Bloomberg" məlumat yayıb. Məlumata görə milyarder iş adamı bu yaxınlarda Florida ştatında yerləşən İndian Krikdə 79 milyon dollara 7 otaqlı malikanə alıb. İndian Krik "Milyarderlər Yuvası"kimi tanınan süni adadır.

Bezosun təxminən 1800 kvadratmetr sahəsi olan yeni malikanəsi təxminən 0,75 hektar ərazidə yerləşir. Malikanədə yeddi yataq və 14 vanna otağı var. "Zillow"dakı elana görə, Bezos mülkü oktyabrın 12-də ucuz qiymətə alıb. Əmlak ilk dəfə may ayında 85 milyon dollara siyahıya alınmışdı. Evin sonuncu satışı 2014-cü ildə 28 milyon dollara olub. 2000-ci ildə inşa edilən bu malikanənin "əbədi Avropa cazibəsini əks etdirən" üslubda dizayn olunduğu bildirilir. Köşkdə ev kinoteatrı, sauna, kitabxana, hovuz, qulluqçu otaqları, şərab anbarı və altı qaraj var. Siyahıya görə, Bezosa ev almaq üçün daşınmaz əmlak agentləri Dina Qoldentayer və Danilo Tavares kömək ediblər. "Bloomberg"ə danışan bir mənbə "Amazon"un 59 yaşlı rəhbərinin adada başqa mülklər ala biləcəyini söyləsə də, "The New York Post", onun iki ay əvvəl  aldığı 68 milyon dollarlıq evi buldozerlə yıxıb meqa malikanə tikməyi planlaşdırdığını yazıb. İndian Krik adasında amerikalı futbol ulduzu Tom Bredi, investor Karl İkan, Jared Kuşner və İvanka Tramp da daxil olmaqla bir çox məşhurlar yaşayır. Təxminən 120 hektarlıq ada Biskayn körfəzində yerləşir və Florida ştatının Mayamidəki ən varlı yerlərindən biri kimi tanınır. 40 sahilyanı mülk və 18 çuxurlu qolf meydançasına əlavə olaraq, bu adada bir klub, bələdiyyə sədri və şəhərin özünün polis qüvvəsi fəaliyyət göstərir,

Sahibkarın Mayamidəki bu milyonlarla dollarlıq mülklərdən başqa evləri də var. Sərvətinin təxminən 156 milyard dollar olduğu təxmin edilən Bezosun, həmçinin Vaşinqton ştatında evləri, "Amazonun" Sitldakı qərargahının yaxınlığında, Beverli Hillsdə 3,6 hektarlıq malikanəsi və Mauidə bir mülkü var. “The New York Post”un yazdığına görə, Bezos 1998 və 2005-ci illərdə "Amazon"un qərargahından 10 mildən az məsafədə cəmi 60 milyon dollara iki ev alıb. Daha sonra milyarder bu iki evi birləşdirib və təxminən 2325 kvadratmetrlik tudor tipli malikanə tikib. 2020-ci ildə Bezos Beverli Hillsdəki malikanəsini musiqi prodüseri David Ceffendən rekord məbləğə - 165 milyon dollara alıb. Biznesmen eyni zamanda Texasda "Blue Origin" kosmik şirkətinin bazası yaxınlığında təxminən 12 min hektarlıq fermaya və Nyu Yorkda Madison Square Parka baxan 96 milyon dollarlıq mənzilə sahibdir.

Bezos nəinki böyük daşınmaz əmlak portfelinə, həm də dünyanın ən bahalı super yaxtalarından biriinə sahibdir. Xəbərlərə görə, "Koru" adlı 127 metr uzunluğundakı bu qayığın inşası Bezosa 485 milyon dollara başa gəlib. Superyaxta bu yay ilk səyahətinə çıxıb və Bezosun beş illik münasibətdən sonra sevgilisi Lauren Sançesə evlilik təklifi etdiyi yer olan İspaniya sahillərindən çıxıb.

Məlumata görə, Bezos "Milyarderlər yuvası"nda satın aldığı evin qonşuluğundakı üçotaqlı sahildə yerləşən mülkü iki ay əvvəl 68 milyon dollara almışdı.

Elmir