Ölkə lideri Qustavo Petronun HƏMAS qruplaşmasının hücumuna cavab olaraq Qəzza zolağında İsrail ordusunun hərəkətlərini pislədiyi bəyanatları fonunda İsrail Kolumbiyaya təhlükəsizlik sistemlərinin ixracını dayandırıb. 

Valyuta.az xəbər verir ki, bu barədə “The Times of Israel” qəzeti ölkənin Xarici İşlər Nazirliyinin mətbuat katibi Lior Hayatın bəyanatına istinadən məlumat yayıb.

Onun sözlərinə görə, İsrail prezidentin Qüds nöqteyi-nəzərindən "HƏMAS terrorçularının dəhşətli hərəkətlərinə dəstək verən, antisemitizmi qızışdıran və Kolumbiyadakı yəhudi icmasının təhlükəsizliyini təhdid edən <...> bəyanatlarını pisləyir. "İlk cavab olaraq, İsrail "Kolumbiyaya təhlükəsizlik mallarının ixracını dayandırmaq qərarına gəldi", - o deyib.

Petro oktyabrın 10-da bildirib ki, İsrailin Qəzza zolağına endirdiyi zərbələr və regionun blokadası nasistlərin Varşava Gettosu qiyamının yatırılmasının nəticələrinə bənzər tələfat və dağıntılara səbəb olur. İsrail hakimiyyəti Kolumbiyanın bu ölkədəki səfiri Marqarita Manjarresi danışıq üçün Xarici İşlər Nazirliyinə çağıraraq, Petronun bəyanatlarını antisemit hesab edib. Buna cavab olaraq prezident bazar günü bildirib ki, İsraillə diplomatik münasibətlərin dayandırılması ehtimalını istisna etmir. 

Nicat