Avropa İttifaqında Rusiyaya qarşı yeni sanksiyaların tətbiqi məsələsinin müzakirəsi getdikcə çətinləşir. 

Valyuta.az xəbər verir ki, bu barədə Polşanın Aİ-dəki səfiri Anjey Sados Polşa Mətbuat Agentliyinə bildirib.

"Təəssüf ki, Aİ səviyyəsində, dondurulmuş Rusiya aktivlərində olduğu kimi, Rusiya brilyantlarına məhdudiyyətlərlə bağlı praktiki olaraq heç bir iş görülmür. Aydındır ki, Avropa Şurasında Rusiyaya qarşı yeni məhdudiyyətlərlə bağlı yekdilliyə nail olmaq getdikcə çətinləşir", - o deyib.

Sadosun məlumatına görə, Polşa Brüsselə Rusiya Federasiyasına qarşı 12-ci sanksiyalar paketi ilə bağlı təkliflərini göndərib. Sanksiyaya məruz qalan şirkətlərin və fiziki şəxslərin siyahısını genişləndirən brilyantlarla yanaşı, onlara Rusiyadan mayeləşdirilmiş neft qazının idxalına və Rusiya informasiya-kommunikasiya texnologiyalarından istifadəyə qadağa da daxildir.

Polşa Mətbuat Agentliyinin məlumatına görə, Avropa Komissiyası Aİ sammitindən sonra noyabrın ortalarında 12-ci sanksiyalar paketi üzərində işə başlamaq istəyir.

Avropa İttifaqı Ukraynadakı vəziyyətlə əlaqədar Rusiyaya qarşı bir çox iqtisadi və fərdi sanksiyalar paketi qəbul edib. Bunlara rusiyalı iş adamlarına, jurnalistlərə və şirkətlərə qarşı sanksiyalar daxildir. Bloomberg-ə görə, yeni paketdə, xüsusən də Rusiyanın nüvə sektoruna qarşı tədbirlərin təşviq edilməsi planlaşdırılır. 

Nicat