Bu yay Premyer Liqa çempionluğu uğrunda mübarizəyə yenidən qoşulmaq istəyən “Liverpul” kifayət qədər böyük bir heyət dəyişikliyinə məruz qaldı. Lakin bunu bir neçə əsas fiqurun hesabına etdi. Yurgen Kloppun komandası indi, xüsusən Dominik Şoboşlay və Aleksis Makallisterin ani təsirlər göstərdiyi, Vataru Endo ilə Rayan Qravenberçin əsas heyətdə daimi yerlər üçün rəqabət yaratdığı orta sahədə daha cavanlaşmış görünüşə sahibdir. 

Valyuta.az “Liverpul”un yayda əldən buraxdığı oyunçuların siyahısını təqdim edir. Siyahıya yalnız “Qırmızılar”ın əsas heyətində meydana çıxmış oyunçular daxil edilib.

Nabi Keyta

Keyta 2018-ci ildə “Leyptsiq”dən gəldikdən sonra Mersisaydda çox vaxtını zədəli olaraq keçirdi. O, 52.75 milyon funt-sterlinq əməkhaqqı almasına baxmayaraq, beş il ərzində heç bir effektli oyun göstərə bilmədi. Yayda sərbəst buraxıldıqdan sonra yarımmüdafiəçi Bundesliqaya qayıdıb və pulsuz olaraq "Verder”ə keçib. Lakin 28 yaşlı futbolçu mövsümöncəsi daha bir zədə problemi ilə üzləşib və yeni klubunda əvəzetmədən cəmi iki oyuna çıxıb.

Aleks Oksleyd-Çemberleyn

Oksalde-Çemberleyn Türkiyə Superliqasında "Beşiktaş"da oynamaq üçün bu yay İngiltərəni tərk etdi. O, hələ ki, yaxşı davam edir. 

Ceyms Milner

Milner Kloppun ən qiymətli oyunçularından biri olmasına baxmayaraq, “Liverpul”u səkkiz ildən sonra “Liverpul”dan ayrıldı. Müqaviləsinin bitməsindən sonra “Brayton”a qoşulmaq üçün cənuba doğru getdi və Roberto De Zerbinin rəhbərliyi altında veteran kimi oynamağa başladı. 37 yaşlı futbolçu 2023/24 mövsümündə "Brayton"un Premyer Liqadakı ilk beş oyununda meydana çıxıb, lakin zədə səbəbindən son iki matçı buraxmalı olub. O, həmçinin Avropa Liqasında AEK-ə qarşı meydana çıxdı. Bununla da beş fərqli İngiltərə komandasının heyətində Avropa yarışlarında oynayan ilk futbolçu oldu.

Roberto Firmino

Firmino 2022-23 mövsümündə "Liverpul"un yeni müqavilə təklifini rədd etdi və klubla emosional şəkildə vidalaşdı. Daha sonra o, yayda Eduard Mendi, Rocer İbanez, Merih Demiral, Qabri Veyqa, Riyad Mahrez və Allan Saint-Maksiminlə müqavilə bağlayan Səudiyyə Ərəbistanı Pro Liqası klubu “Al-Ahli”yə pulsuz transfer olundu. Braziliya millisinə dəvət olunduqdan sonra kapitan sarğısı verilən Firmino “Al-Hazem” üzərində 3-1 hesablı qələbə qazandıqları oyunda het-triklə yadda qaldı. Lakin o, bundan sonra yeddi oyunu qolsuz keçirdi.

Fabinyo

Bir vaxtlar dünyanın ən yaxşı müdafiəçisi kimi qəbul edilən Fabinyo 2022/23 mövsümündə keçmiş halının kölgəsi kimi görünürdü. "Liverpul" yayda braziliyalı futbolçunu 42 milyon funt-sterlinq qarşılığında Səudiyyə Ərəbistanı təmsilçisi son çempion “Al-İttihad”a satmaq qərarına gəlib. “Al-Raed” üzərində 3:0 hesabı ilə qalib gəldikləri oyunda debüt etdikdən sonra bir jurnalist ona bahalı “Rolex” saatı hədiyyə etmişdi. 29 yaşlı futbolçu artıq Nuno Espirito Santonun rəhbərlik etdiyi komandanın əsas oyunçusu kimi özünü təsdiqlədi. 2023/24 mövsümündə ilk 10 oyunun biri istisna olmaqla qalan doqquzunda 90 dəqiqə meydanda olub.

Cordan Henderson

"Liverpul"un əfsanəsi Stiven Cerrardın rəhbərlik etdiyi "Al-Ettifaq"a mübahisəli keçidini tamamladığı üçün Henderson da Səudiyyə Ərəbistanına köçüb. Həftədə 700 min funt-sterlinq maaş aldığı bildirilən yarımmüdafiəçi Cerrardın komandasına kapitanlıq edir və ümumilikdə meydana çıxdığı ilk doqquz oyunda beş məhsuldar ötürmə edib.

Cek Birn

Bu siyahıda yer alan “Liverpul” akademiyasının yetirməsi olan Birn, Liqa Kubokunda cəmi bir - “Aston Villa”ya 5:0 hesabı ilə uduzduqları matçda meydana çıxdı. Keçən mövsümü Milli Liqanın Şimal tərəfi “Kidderminster Harriers”də icarə əsasında keçirdikdən sonra yayda “Liverpul”dan ayrıldı. 22 yaşlı cinah oyunçusu Şotlandiya klubu “Qrinok Morton”la ikiillik müqavilə imzalayıb və liqadakı debütündə məhsuldar ötürmə ilə yadda qalıb. Lakin o, bütün yarışlarda cəmi iki oyuna başlayıb və əsasən ehtiyat oyunçular skamyasından meydana çıxmaqla kifayətlənib. 

Leyton Klarkson

Birnlə yanaşı, Klarkson 2019-cu ildə “Aston Villa”ya qarşı matçda debüt etdi, eyni zamanda İngiltərə Kuboku və Çempionlar Liqasında da meydana çıxdı. Yarımmüdafiəçi yayda tam hüquqlu müqavilə ilə “Aberden”ə qoşulmazdan əvvəl “Blakbörn Rovers”ə icarəyə verilmişdi. O, artıq 2023/24 mövsümündə bütün yarışlarda 13 dəfə meydana çıxıb, həmçinin Konfrans Liqasının qrup mərhələsinin iki oyununda forma geyinib. 21 yaşlı futbolçu bu yaxınlarda İbroksda “Reyncers” üzərində 3-1 hesablı qələbə qazandıqları matçda məhsuldar ötürmə ilə yadda qaldı.

Layton Stüart

Dizində ön çarpaz bağlarından aldığı zədəsini sağaldıqdan sonra Stüart 2022-ci ilin noyabrında Liqa Kubokunda “Derbi Kaunti” ilə oyunda “Liverpul”un heyətində debüt etdi. Ancaq bu, onun uşaqlıq klubu üçün yeganə oyunu oldu və o, açıqlanmayan bir ödəniş qarşılığında “Preston North End”ə qoşuldu. Menecer Rayan Lou onu Çempionşip oyunçusu kimi həyata tam hazırlamağa çalışdığı üçün 21 yaşlı hücumçu bu mövsüm cəmi iki dəfə əvəzetmədən meydana çıxıb.

Maks Voltman

Voltman “Liverpul”da 2021-22-ci illərdə əsas komandada çıxış etdi. Çempionlar Liqasında “Milan” üzərində 2:1 qələbə qazandıqları oyunda meydana ehtiyat oyunçular skamyasından çıxdı. Forvard keçən mövsümün 2-ci yarısını aşağı liqa təmsilçisi “Donkaster Rovers”də icarə əsasında keçirsə də, meydana çıxdığı 15 oyunda bir qol vura bilməyib. Daha sonra yayda Fransa çempinatında baxışdan keçirildikdən sonra açıqlanmayan bir ödəniş qarşılığında “Oxford United”ə qoşuldu. 19 yaşlı futbolçu bu mövsüm “EFL Trophy”də iki oyunda iştirak etsə də, o, hələ Birinci Liqada görünmür.

Elmir