“Bank Respublika” sığorta şirkətindəki payını kəskin artırıb

“Bakı Sığorta” ASC-nin səhmdarlarının pay bölgüsü dəyişib.

Valyuta.az-ın sığorta şirkətindən əldə etdiyi məlumata görə, “Bank Respublika”nın sığorta şirkətindəki payı 51,29%-dən 79,42%-ə qədər artıb. Başqa sözlə, bankın səhmlərinin sayı 6024-dən 9327-yə yüksəlib.

“Bank Respublika” sığorta şirkətində “Diamond Motors” MMC 1,52%-lik (179 səhm), “Yeni Motors” MMC-nin 6,83%-lik (803 səhm), “Toyota Abşeron Center” MMC-nin 19,76%-lik payını (2321 səhm) əldə edib. Digər səhmdarlar Nəcəfov Behbud Çingiz oğlunun (814 səhm) və Rəhimov Murad Arif oğlunun (818 səhm) “Bakı Sığorta”dakı payı dəyişməyib.

Xatırladaq ki, “Bakı Sığorta” 1994-cü ildə "Tural Sığorta" adı ilə yaradılıb, 2007-ci ildə rebrendinq edib. Onun nizamnamə kapitalı 8,925 milyon manatdır.

Mahir