“BOA Agentliyi” MMC “PAŞA Bank”a borcunu bağlamaq üçün “Xalq Bank”dan 4 milyon manatdan çox kredit götürüb. 

Valyuta.az-ın kollektor agentliyindən əldə etdiyi məlumata görə, “Xalq Bank”la sözügedən kredit müqaviləsi bu il mayın 10-da bağlanıb. Bildirilib ki, 4 milyon 350 min manat həcmdə kredit müqaviləsi illik faiz dərəcəsi 12% olmaqla 3 il müddətinə bağlanılıb. 

Şirkət bu il mayın 17-də dövriyyə vəsaitlərinin artırılması ilə bağlı eyni şərtlərlə əlavə olaraq 1 milyon 150 min manat həcmində kredit müqaviləsi bağlayıb. 

Qeyd edək ki, “BOA Agentliyi” 2011-ci ildə yaradılıb. Şirkətin əsas fəaliyyəti vaxtı ötmüş kreditlərin qaytarılmasını təmin etməkdir. Onun səhmlərinin 50%-i Yadulla Vaqif oğlu Yusifova, 50%-i isə Rüstəm Rauf oğlu Hacıyevə məxsusdur.

Mahir