Amerika aktyoru, prodüseri və 2 “Oscar” mükafatının sahibi Tom Henks bir çox filmdə yer alıb. Çəkildiyi filmlərin əksəriyyəti böyük gəlir əldə edib. Bəs Tom Henks bu filmlərdən nə qədər gəlir qazanıb?

Valyuta.az aktyorun məşhur filmlərindən qazandığı gəlirləri təqdim edir.

Yəqin ki, çoxunuz məşhur “Forrest Gump” filmini izləmisiniz. Dünya üzə ümumilikdə 680 milyon dollar gəlir əldə edən filmdən aktyorumuz 60 milyon dollar qazanıb. 

Aktyor dostluq, macəradan məhs edən “Oyuncaqlar hekayəsi” cizgi filmində isə “Woody” obrazını səsləndirib. Tom Henks “Oyuncaqlar hekayəsi”nin 1-ci filmindən 50 min dollar qazansa da, 2 və 3-cü filmlərindən müvafiq olaraq 5 və 15 milyon dollar qazandığı güman olunur. 

“Didərgin” filmi kimsəsiz adaya düşən bir insanın həyatından bəhs edir. Aktyor bu filmdən 20 milyon dollar qazanıb. 

“Qütb ekspressi” cizgi filmi qatarla şimal qütbünə gedən qəhrəmanın sərgüzəştlərindən bəhs edir. Bu cizgi filmində aktyor və prodüser Tom Henks 40 milyon dollar və ilkin gəlirin 20%-ni, cəmi 100 milyon dollar pul qazanıb. 

Baş rollarda Tom Henks və Barkad Abdi oynadığı "Kapitan Fillips" filmi dənizçi kapitan Riçard Fillipsin 2009-cu ildə Somali quldurları tərəfindən girov götürülməsindən bəhs edir. Tom Henks bu filmdən 15 milyon dollar qazanıb. 

“Elvis” filmi Elvis Presli haqqında bioqrafik musiqili dram filmidir. Tom Henks baş rolunda oynadığı bu filmdən 8 milyon dollar qazanıb. 

“Sıravi Rayanı xilas etməli” 1998-ci il istehsalı olan amerikan filmidir. Bu film “Qızıl qlobus”da “Ən yaxşı film və rejissor” və bir sıra mükafatlar qazanıb. Baş rolunda iştirak etdiyi aktyor bu filmdən ümumilikdə 30-40 milyon dollar arası gəlir əldə edib. 

“Yaşıl mil” filmi 1999-cu ildə istehsal olunun. Rejissoru və ssenaristi Frenk Darabotdur. Film Stiven Kinqin eyni adlı romanı əsasında çəkilib. Film həmçinin “Ən yaxşı film”, "Ən yaxşı köməkçı kişi aktyor” və s. nominasiyalar üzrə “Oscar” mükafatına namizəd göstərilib. Bu filmdə də baş rolda olan Tom Henks 20 millyon dollar qazanıb. 

Den Braun tərəfindən yazılan romanlar əsasında çəkilmiş “Da Vinçi şifrəsi”, “Mələklər və şeytanlar”, “Cəhənnəm” eyniadlı filmlərində Tom Henks baş rolda oynayıb. İlk filmə görə o 18 milyon dollar, “Mələklər və şeytanlar” və “Cəhənnəm” filmlərinin hər biri üçün 25 milyon dollar əldə edib. Aktyorun bu filmlərdən ümumi qazancı 68 milyon dollar olub.

Qarakişi Vəlizadə