Azərbaycan Mərkəzi Bankının (AMB) kreditləşmə fəaliyyətinə dair sorğunun nəticələrinə görə, 2023-cü ilin II rübündə Azərbaycan banklarında ipoteka kreditlərinə tələb 23 faiz artıb.

Məlumata görə, II rübdə bankların daxili ipoteka kreditlərinə tələb 2 faiz, İpoteka Kredit və Zəmanət Fondunun (İKZF) kreditlərinə tələb isə 19 faiz artıb.

Valyuta.az-a açıqlama verən maliyyə-bank eksperti Əkrəm Həsənovun fikrincə, ipoteka kreditlərinə tələbin 23 faiz artmasında yay aylarında adətən daşınmaz əmlakın qiymətinin bir qədər enməsi təsir göstərə bilər:

“Yayda daha ucuz evlər tapmaq olur. Ona görə də ipoteka kreditlərinə tələbin bu qədər artması müşahidə olunub. Daxili ipoteka kreditlərinə tələbin İpoteka Kredit və Zəmanət Fondunun kreditlərinə olan tələblə müqayisədə az artması isə daxili ipotekanın həcminin az olmasından qaynaqlanır. İpoteka Kredit və Zəmanət Fondunun ipoteka portfelində vəsait isə daha çoxdur. Burada həmçinin faiz daha aşağıdır. Ona görə də insanlar ev almaq üçün İpoteka Kredit və Zəmanət Fonduna müraciət edir”. 

Ramiz