PSJ ilə yolları ayıran Serxio Ramosun yeni klubu müəyyənləşib. 

Valyuta.az xəbər verir ki, futbolçu sabiq klubu “Sevilya”ya qayıdıb. Klub yetirməsinin transferini rəsmən açıqlayıb. Türkiyə və Səudiyyə Ərəbistanından gələn təklifləri rədd edən Ramos 18 ildən sonra uşaqlıqdan futbolun sirlərinə yiyələndiyi kluba qayıtmağı üstün tutub. 

“Mundo Deportivo”da yer alan xəbərdə təcrübəli müdafiəçinin "Qalatasaray"dan aldığı illik 11, Səudiyyə Ərəbistanı klubu “Al-İttihad”dan isə 20 milyon avroluq təklifi rədd edərək bir milyon avrodan bir qədər çox olan müqavilə ilə razılaşdığı bildirilib.

"Sevilya"nın futbol akademiyasında böyüyən və 2003-2006-cı illər arasında bu klubda çıxış edən Ramos 19 yaşında "Real"a transfer olunaraq, 16 il Madrid klubunun formasını geyinib.

Elmir