“İstər pərakəndə ticarət dövriyyəsində, istərsə də xidmət sahəsində, o cümlədən ictimai iaşə obyeklərinin dövriyyəsində, enerji istehlakında, hətta kredit qoyuluşunda belə paytaxtın çəkisi çox yuxarıdır”. 

Bu sözləri Valyuta.az-a iqtisadçı Eldəniz Əmirov Azərbaycan əhalisinin Bakı və Abşeron yarımadasında məskunlaşmasının səbəbləri haqqında danışarkən deyib. 

İqtisadçı bildirib ki, bu, urbanizasiya prosesidir:

“Lakin daha yaxşı olardı ki, bu urbanizasiya prosesi bir şəhər ətrafında deyil, bir neçə şəhər ətrafında olsun. Bu da regionların inkişafına öz töhvəsini verər. Məsələn, Gəncənin böyüməsi o regionda digər ətraf ərazilərə öz töhvəsini verər".

Eldəniz Əmirov bildirib ki, rəsmi statistikaya görə, şəhər əhalisi kənd əhalisindən o qədər çox deyil, lakin qeyri-rəsmi açıqlanan məlumatlar, o cümlədən vizual olaraq görüntülər paytaxt və ətraf ərazilərdə daha çox sayda insanın yaşadığını və fəaliyyət göstərməsinə əsas verir:

“Hesab edirəm ki, paytaxtda bu qədər təmərküzləşmənin qarşısının alınması üçün mütləq şəkildə regional inkişafa, bunun üçün isə kiçik və orta sahibkarlığın inkişafına nail olunmalıdır:

"Regionların inkişafı üçün mütləq şəkildə kiçik və orta sahibkarlığın inkişafı çox vacibdir”.

Davud