Bu il Azərbaycanda bal qıtlığı yaşanacaq.

Bunu Valyuta.az-a Laçın rayon sakini Fərəc Kərimli deyib. O, təəssüf hissi ilə bildirib ki, bu il Laçın və Kəlbəcər balı gözləyənlərin gözü yolda qalacaq:

“Ümumiyyətlə, bal yoxdur. Bizim böyük arı təsərrüfatımız var, hazırda bir qram da bal yoxdur. Ölkə üzrə bu təsərrüfatla məşğul olanların sayı çoxdur, amma problemin səbəbini heç kəs bilmir. Laçın və Kəlbəcərdə xüsusi ilə bal yoxdur”.

Fərəc Kərimli qeyd edib ki, bu il arıların yarıdan çoxu öz evini tərk edib:

“Arının yarısı qalıb, yem olmadı, bəlkə də bu üzdən yeşikləri tərk etdilər. Bir az əvvəl azca ehtiyyat var idi, yağıntılar oldu, onu da arı yedi. İndi yeşiklər bomboşdur. Bu il yağıntılar da çox oldu, amma bu səbəb ola bilməz. Arı 10 günə də bal yığır. Mütəxəsisslərlə məsləhətləşmişik, hərə bir fikir deyir. Normal, məntiqli bir söz deyən yoxdur. Vəziyyət çox ağırdır. Hətta o yerdədir ki, səhər tezdən bir qaşıq tapa bilmirik çay içək”.

Aylin