Çexiya hakimiyyəti rusiyalı milyarder Vladimir Yevtuşenkovun Karlovı Varıdakı beşulduzlu otelini ələ keçirib.

Valyuta.az Çex Televiziyasına istinadla xəbər verir ki, ölkənin maliyyə təhlili departamenti iş adamının şirkətlərinin hesablarını da bloklayıb. Belə ki, Yevtuşenkova qarşı dövlət sanksiyaları tətbiq edilib.

Dəyəri 100 milyon kron və ya 4,6 milyon dollar dəyərində qiymətləndirilən beş villadan ibarət kompleks olan Savoy Westend otelinin hazırda məhdud rejimdə fəaliyyət göstərdiyi vurğulanır. Otel iyunun 29-dək otaqların pulunu ödəmiş müştəriləri qəbul edir. Həmin gün Çexiya hakimiyyəti Yevtuşenkov və oğlu Feliksi sanksiya siyahısına daxil edib.

Vladimir Evtuşenkov AFK Sistema-nın təsisçisi və şərikidir. Forbes onun sərvətini 1,7 milyard dollar qiymətləndirir. Müharibə başlayandan sonra iş adamı Böyük Britaniya, Avstraliya, Yeni Zelandiya və Ukraynanın sanksiya siyahısında olub.

Nicat