Avropa Komissiyasının Rusiya Federasiyasının taxıl sazişindən çıxmasından sonra Ukrayna taxılının tranziti üçün əlavə nəqliyyat xərclərinin maliyyələşdirilməsinə kömək etmək üçün heç bir vəsaiti və aydın yolu yoxdur .

Valyuta.az xəbər verir ki, bu barədə “Reuters” öz mənbələrinə istinadən məlumat yayıb.

İyulun 21-də Ukraynanın Aqrar Siyasət Nazirliyi Avropa İttifaqının ticarət üzrə komissarı Valdis Dombrovskisə “həmrəylik yolları” kimi tanınan alternativ Aİ marşrutlarından istifadə ilə bağlı əlavə nəqliyyat xərclərini ödəmək üçün maliyyə yardımı göstərmək xahişi ilə müraciət edib. Ukrayna əlavə xərcləri bir ton üçün 30-40 dollar qiymətləndirir.

Məktubda həmçinin Adriatik dənizi, Baltikyanı ölkələr, Almaniya və Hollandiya da daxil olmaqla “yaşıl dəhlizlər” vasitəsilə həmrəylik marşrutlarının tutumunun ayda 1-1,5 milyon ton artırılması xahişi də yer alıb.

Lakin agentlik mənbələri bildirirlər ki, bu problemin həlli üçün dəqiq bir yol yoxdur.

“Biz hələ taxıl daşınmasını dəstəkləmək üçün həll yolu tapmamışıq. Keçən ildən bəri insanlar bununla bağlı “başlarını qaşımağa” başlayıblar”, - Avropa Komissiyasındakı müzakirələrdən xəbəri olan mənbə bildirib.

Diplomatik mənbələrdən biri agentliyə bildirib ki, Ukraynanın ehtiyacları üçün vəsait yalnız orta müddətli büdcənin nəzərdən keçirilməsindən sonra əldə edilə bilər, bu da bir neçə ay çəkə bilər, hətta payızlıq qarğıdalı məhsulunun tezliklə gözlənilməsinə baxmayaraq.

Digər bir diplomatik mənbəyə görə, bəzi dövlətlər əlavə nəqliyyat xərclərini ödəməyi mənasız gördüyü üçün Ukraynanın taxıl idxalına müqavimət artır.

“Rəqabət məsələsi də var... Sığortanı (nəqliyyat) təmin etmək Komissiyanın vəzifəsi deyil. Dövlətlər zəmanət verə bilər, lakin yekun müzakirələr yoxdur”, - başqa mənbə bildirib.

Nicat