İqlim dəyişikliyi bu yay Avropa da daxil olmaqla 4 qitəyə əhəmiyyətli təsir göstərib.

Valyuta.az xəbər verir ki, bunu BMT-nin baş katibi Antonio Quterreş Nyu-Yorkda çıxışı zamanı deyib.

“Şimali Amerika, Asiya, Afrika və Avropanın böyük hissələri üçün bu, “qəddar” yaydır. Bu, bütün planet üçün fəlakətdir. Elm adamlarına görə, şübhəsiz ki, insanlar günahkardır. Bütün bunlar proqnozlara və təkrarlanan xəbərdarlıqlara tam uyğundur. Yeganə sürpriz dəyişikliklərin sürətidir”, deyə o bildirib.

Quterreşin sözlərinə görə, iyul tarixinin ən isti üç həftəlik dövrü olub. Baş katib bildirib ki, rekord üç ən isti gün və ilin bu vaxtı üçün ən yüksək okean temperaturu qeydə alınıb:

“Bunu öyrənmək üçün ayın sonunu gözləmək lazım deyil. Yaxın günlərdə mini-buz dövrü olmasa, 2023-cü ilin iyul ayı rekordlar qıracaq”.

Avropa İqlim Dəyişiklikləri Mərkəzinin Kopernik İqlim Dəyişikliyi Xidmətinin məlumatına görə, bundan əvvəlki ən isti iyul və ən isti ay 2019-cu ilin iyulu olub.

Paşa Məmmədli