ABŞ-da yeni ekoloji cəhətdən təmiz sərnişin təyyarəsi X-66A üçün liveriya təqdim edilib.

Valyuta.az CNN-ə istinadən xəbər verir ki, təyyarə mavi, narıncı və qırmızı quyruq zolaqları ilə ağ rəngə boyanacaq.

"Boeing" və NASA bu təyyarəni "Sustainable Flight Demonstrator" adlı layihənin bir hissəsi kimi hazırlayıb.

NASA-ya görə, üzərində iş dfavam edən X-66A dizaynı yanacaq sərfiyyatını və emissiyaları bugünkü ən səmərəli təyyarə ilə müqayisədə 30%-ə qədər azalda bilər.

Bu konsept "Transonic Truss-Braced Wing" adlanır və qanadları təyyarə ilə birləşdirən diaqonal dayaqlarla sabitləşdirilmiş uzunsov nazik qanadlara əsaslanır. Quruluşun forması daha az sürtünmə yaradır, bu da daha az yanacaq yandırmağa imkan verir.

X-66A-nın ilk sınaq uçuşu 2028-ci ildə baş tutmalıdır. 2030-cu illərdə bu təyyarələrin kommersiya məqsədləri üçün istifadə ediləcəyi planlaşdırılır.

Paşa Məmmədli