“Bankların mənfəət göstəricilərini vaxtında Mərkəzi Banka təqdim etməmələri həm də prosedur qaydalarının pozuntusudur”

Bu sözləri Valyuta.az iqtisadçı Natiq Cəfərli bəzi bankların mənfəət gösətricilərini Mərkəzi Banka gec təqdim ütməsinin səbəbləri haqqında danışarkən deyib. 

İqtisadçı deyir ki, ABM-in təlimatlarına görə, bəlli müddət ərzində bütün banklar öz məlumatlarını Mərkəzi Banka təqdim etməlidir: 

“Bankların belə bir öhdəliyi var. Onlar bu gecikmənin səbəblərini də açıqlasa, daha yaxşı olar. Çox güman ki, Mərkəzi Bankda yeni - son bir ildə qəbul olunmuş müəyyən normalar var. Biz bu normaların bəzisinin artırılmasını gördük. Məsələn, manatla depozitlərin bir hissəsinin sığorta şəklində qalması, valyuta ilə depozitlərin bir hissəsinin sığorta şəklində banklarda qalması və s. Bütün bunlar yeniliklərdir. Ola bilər ki, bəzi banklar hələ bu qaydaları tətbiq edə bilmir və ya çətinlik çəkirlər. Çətinlikləri yarandıqca da onların mənfəət və gəlirlərində də azalmaların olması gözlənilir. Yəqin ki, azalmalar da var. Və həmin bankların gəlirlərində azalmalar ilə bağlı olan məlumatların ictimaiyyətə açıqlanması onlara güvənin zədələnməsinə səbəb ola bilər. İnsanlar oradan depozitlərini götürə bilər. Onlara az müraciət olar”.

Davud