İndoneziyanın Rabitə və İnformasiya Nazirliyi rebrendinqdən sonra "Twitter" sosial şəbəkəsinin yerləşəcəyi güman edilən x.com domenini bloklayıb. 

Valyuta.az Rmol.id portalına istinadən xəbər verir ki, buna səbəb bu domendən ölkədə pornoqrafiya və qumar oyunlarının yayılması üçün istifadə edilməsi olub. 

İndoneziya hökuməti artıq bu məsələ ilə bağlı "Twitter" rəhbərliyi ilə əlaqə saxlayıb. Lakin indoneziyalılar hələ də "Twitter"ə daxil ola bilmirlər.

İyulun 24-də "Twitter" loqosunu mavi quşdan qara konturlu ağ X-ə dəyişib. Yeni loqo "Twitter" başlığında və səhifə yeniləndikdə göstərilir. Sosial şəbəkənin sahibi İlon Mask rebrendinqdən sonra sosial şəbəkədəki yazıların “Xs” adlandırılacağını bildirib.

Paşa Məmmədli