Qarşıdan gələn Rusiya-Afrika sammiti çərçivəsində Afrika qitəsinə Rusiya taxılının və gübrələrin tədarükü üçün logistika dəhlizlərinin yaradılması imkanları müzakirə olunacaq.

Valyuta.az xəbər verir ki, bu barədə Rusiya Xarici İşlər Nazirliyinin xüsusi tapşırıqlar üzrə səfiri Oleq Ozerov RİA Novosti-yə müsahibəsində bildirib.

Ozerov Rusiyanın taxıl ixracında böyük potensialını nəzərə alaraq, belə logistik dəhlizlərin və taxıl qovşaqlarının yaradılması ideyasının perspektivlərini və məqsədəuyğunluğunu qeyd edib. O, Rusiyadan Afrikaya çatdırılmaların təşkili problemlərinin mürəkkəb olduğunu vurğulayıb.

Səfir qeyd edib ki, bu istiqamətdə hərəkət etmək lazımdır və logistik dəhlizlərin yaradılması sammitdə müzakirə mövzularından biri olacaq. Onlar təkcə qida məhsulları və gübrələr üçün deyil, həm də Rusiyada istehsal olunan hər hansı digər məhsullar üçün nəzərdə tutulacaq. Ozerov vurğulayıb ki, bu, uzunmüddətli əməkdaşlığa yönəlmiş uzunmüddətli münasibətlərin inkişafı üçün təbii və düzgün yoldur.

Nicat