Rusiyada araq və konyak satışı il ərzində müvafiq olaraq 16,4% və 20,3% azalıb. 

Valyuta.az xəbər verir ki, bu barədə "Vedomosti" qəzeti Rosstatın məlumatlarına istinadən yazır.

Nəşrin məlumatına görə, ilin birinci yarısında araq satışının həcmi 30,2 milyon dekalitr (dal), konyak və brendi - 3,7 milyon dekalitrədək azalıb. Eyni zamanda, araq istehsalı 9% azalaraq 33,2 milyon dekalitr, konyak və brendi istehsalı isə 13% azalaraq 4,2 milyon dekalitr olub.

Ekspertlər belə göstəriciləri qeyri-leqal bazarın böyüməsi ilə izah edirlər. Bəzi yüksək keyfiyyətli spirt istehsalçıları Rusiyanı tərk etdikdən sonra topdansatış təchizatçıları onları saxta məhsullarla əvəz etməyə və kölgə istehsalçıları ilə əməkdaşlıq etməyə başladıyıblar, - "Ayıq Rusiya" Ümumrusiya hərəkatının lideri Sultan Həmzəyev deyib.

Daha əvvəl bildirilmişdi ki, Rusiyada spirt istehsalçıları 2023-cü ilin ilk aylarında viski istehsalını artırmağa başlayıblar.

“Kommersant”ın yazdığına görə, bir sıra xarici alkoqollu içki istehsalçıları və distribütorları getdikdən sonra Rusiya idxalçıları daxili bazarda öz paylarını artırıblar.

Nicat