“Mərkəzi Bankın bu addımı kredit faizlərini artıra bilər”.

Bunu Valyuta.az-a açıqlamasında iqtisadçı ekspert Əkrəm Həsənov Mərkəzi Bank pul siyasətinə dəyişikliklər edərək məcburi ehtiyat normalarının diferensiallaşdırılması qaydasına yenidən baxılması ilə bağlı qərarından danışarkən deyib. 

Ekspert bildirib ki, məcburi ehtiyyat norması bankların cəlb etdiyi əmanət və müştərilərindən digər vəsaitin Mərkəzi Bankda saxlanılmasıdır:

“Mərkəzi Bank infliyasiya ilə mübarizə alətlərindən biridir, yəni dövriyyədəki vəsaiti yığır. Bank vətəndaşlardan əmanət toplayır ki, onu sonradan kredit versin. Mərkəzi Bank isə onun bir hissəsini bankların əlindən alır və o pulu kredit verməyə imkan vermir. Bununla da  infliyasiya ilə mübarizə aparır ki, dövriyyədə pul az olsun. Mərkəzi Bank neylədi? İri banklar üçün məcburi ehtiyyat normalarını daha da qalıdrdı. Niyə? Çünki həmin banklarda pul çoxdur. Bu da bütövülkdə düzgün addımdır”.

Əkrəm Həsənov qeyd edib ki, böyük banklarla kiçik bankları eyni səviyyə qoymaq olmaz:

“Mərkəzi Bankın fərqli yanaşması olmalıdır. Bu da məhz fərqli yanaşmadır. Bu baxımdan düzgün addımdır. Bu, kredit faizlərini artıra bilər”.

Aylin