Ukraynanın Milli Bankının (UMB) İdarə Heyəti sistem əhəmiyyətli bank olan “Sens Bank”ın bazardan çıxarılması barədə qərar qəbul edib və bu prosedurda iştirak etmək təklifi ilə Nazirlər Kabinetinə müraciət edib.

Valyuta.az xəbər ki, bu barədə Milli Bankın İdarə Heyəti və Fiziki şəxslər üçün Əmanətlərə Zəmanət Fondunun birgə brifinqi zamanı Milli Bankın rəhbəri Andrey Pışnı bildirib.

"Milli Bankın İdarə Heyəti ... sistem əhəmiyyətli bank “Sens Bank”ın bazardan çıxarılmasını qərara aldı və Nazirlər Kabinetinə dövlətin bu prosedurda iştirakı ilə bağlı təklif verdi",- Pışnı deyib.
O, hökumətin milliləşdirmə ilə bağlı qərarının cümə günü gözlənildiyini əlavə edib və hökumətin UMB-nin təklifinindən imtina ehtimalını istisna edib.

“SENS BANK ASC-də dolayı əhəmiyyətli iştirak sahiblərinin M. Fridman və P. Avenin təcavüzkar ölkənin rejimi ilə əlaqəsi səbəbindən onlara qarşı aktivlərin bloklanmasını nəzərdə tutan Avropa İttifaqı, Böyük Britaniya, Kanada, İsveçrə, Avstraliya, Yeni Zelandiyada sanksiyalar tətbiq edilib”, - UMB qeyd edib.

Həmçinin vurğunıb ki, Ukrayna SENS BANK ASC-də dolayı əhəmiyyətli iştirakın sahibləri Mixail Fridman, Petr Aven və Andrey Kososova qarşı aktivlərin bloklanması daxil olmaqla şəxsi sanksiyalar tətbiq edib.

“Sens Bank”ın bank sektorunda payı 3,2% təşkil edir . Milliləşdirmədən sonra dövlətin bank sektorunda payı 56%-ə qədər artacaq.
Bankda müvəqqəti administrasiya cümə günü səhər (21 iyul), bazar ertəsi (24 iyul) isə bank dövlət bankı kimi fəaliyyət göstərəcək.

Müvəqqəti administrasiyanın rəhbəri vəzifəsinə Əmanətlərin Zəmanəti Fondunun Bankların Fəaliyyətinin Məsafədən Monitorinqi və Yoxlama Departamentinin Erkən reaksiya şöbəsinin müdiri Viktoriya Stepanets təyin edilib.

“Sens Bank” milliləşdirmə zamanı fiziki şəxslərə xidmət göstərməyə davam edəcək, hüquqi şəxslərə xidmətdə fasilə iyulun 21-i günorta saatlarına qədər davam edəcək.

Dövlət itkiləri kompensasiya etməyə çalışacaq “Sens Bank”ın sahibləri olan rus oliqarxlarla məhkəmələri gözləyir.

Nicat