İyun ayında Ukraynanın beynəlxalq ehtiyatları demək olar, 39 milyard dollara yüksəlib ki, bu da Ukraynanın müstəqillik tarixində ən yüksək göstəricidir.

Valyuta.az xəbər verir ki, Milli Bankın (UMB) mətbuat xidmətinin məlumatına görə, iyulun 1-nə Ukraynanın beynəlxalq ehtiyatları ilkin məlumatlara görə, demək olar ki, 39 milyard dollar (38 999,5 milyon) təşkil edib.

"İyun ayında onlar 4,5% artıb və Ukraynanın müstəqillik tarixində rekord göstəricini yeniləyib. Bu nəticəyə qədər maksimum səviyyə 2011-ci il mayın 1-də qeydə alınıb - 38,352 milyard dollar", - UMB-dən bildirilib.

Qeyd olunur ki, iyun ayı ərzində beynəlxalq ehtiyatlar beynəlxalq tərəfdaşlardan sabit və ritmik daxilolmalar hesabına artmaqda davam edib ki, bu da hətta Milli Bankın xalis valyuta satışını və ölkənin xarici valyutada borc ödənişlərini üstələyib. 

Ümumiyyətlə, son bir ayda beynəlxalq ehtiyatların dinamikası bir sıra amillərlə müəyyən edilib. Bunlar, xüsusən, hökumətin xeyrinə daxilolmalar və dövlət borcuna xidmət və ödənişlərdir: Hökumətin Milli Bankdakı valyuta hesablarına 4,286 milyard ABŞ dolları daxil olub. Xarici valyutada dövlət borcuna xidmət göstərilməsi və ödənilməsi üçün hökumət 704,7 milyon dollar ödəyib. Bundan başqa, Ukrayna Beynəlxalq Valyuta Fonduna 171,7 milyon dollar ödəyib. 

Həmçinin, ehtiyatların dinamikasına Ukraynanın valyuta bazarında tənzimləyicinin əməliyyatları təsir göstərib - iyunda Milli Bank valyuta bazarında 1,863 milyard dollar satıb və ehtiyatlara 49,6 milyon dollar alıb. 

"Beynəlxalq tərəfdaşlardan daxilolmalar, Ukraynanın valyuta bazarında tələb və təklif arasındakı fərqi ödəmək üçün həyata keçirilən xarici valyuta satışı üzrə UMB müdaxilələrinin həcmindən nəzərəçarpacaq dərəcədə böyük qalmaqda davam edib", - hesabatda deyilir.

Milli Bank onu da qeyd edib ki, beynəlxalq ehtiyatların hazırkı həcmi gələcək idxalın 5,2 aylıq maliyyələşdirilməsini təmin edir.

Nicat