Avropada hava hərəkətinə nəzarətdən məsul olan “Eurocontrol” pik yay tətili mövsümünün başlaması ilə əlaqədar bölgənin hava limanlarında tıxacların artacağı barədə xəbərdarlıq edib. Buna Ukraynadakı müharibənin də təsir etdiyi bildirilir.

Valyuta.az "The Sun"a istinadən xəbər verir ki, Avropanın bir çox əsas hava limanlarında ciddi tıxac gözlənilir ki, bu da bütün yay mövsümündə xüsusilə həftə sonları və cümə günləri uçuşların gecikməsinə səbəb ola bilər.

“Avropada bu yay çətin olacaq, çünki Ukraynadakı müharibə və hərbi ehtiyaclar səbəbindən hava məkanımız daha azdır”, - Eurocontrol-un baş direktoru Raul Medina izah edib.

“Ekspress”in yazdığına görə, Rusiyanın Ukraynaya tammiqyaslı hərbi müdaxiləsi Avropada təhlükəsiz hava məkanının 20% azalmasına səbəb olub.

Eyni zamanda, Medina hava limanının rəhbərliyini vəziyyəti yaxşılaşdırmaq üçün əllərindən gələni etməyə, xüsusən də nəzarətdə növbələrin qarşısını almaq və cədvəllərə riayət etmək üçün kifayət qədər işçi heyəti ilə təmin etməyə çağırış edib.
2023-cü ilin yayında Avropanın ən işlək 10 hava limanı
1. Reims (Fransa).

2. Marsel (Fransa).

3. Afina (Yunanıstan).

4. Budapeşt (Macarıstan).

5. London (Böyük Britaniya) - Luton (LTN), Stansted (STN) və Gatwick (LGW) hava limanları.

6. Barselona (İspaniya) - Barselona El Prat Hava Limanı.

7. Brüssel (Belçika) - Şarlerua hava limanı.

8. Nikosiya (Kipr) - Larnaka (LCA) və Pafos (PFO) hava limanları.

9. Varşava (Polşa) - Varşava Şopen Hava Limanı (WAW) və Varşava-Modlin Hava Limanı (WMI).

10. Zaqreb (Xorvatiya).

Nicat