ABŞ Dövlət Departamenti "Vaqner" PMC-yə qarşı planlaşdırılan sanksiyaları təxirə salmaq qərarına gəlib. Söhbət Afrikada özəl hərbi şirkətin “qızıl biznesi”nə qoyulan məhdudiyyətlərdən gedir.

Valyuta.az xəbər verir ki, bu barədə WSJ mənbələrə istinadən yazır. 

Qeyd olunur ki, Priqojinin ABŞ-dakı şirkətinin Afrikadakı “qızıl biznesi”nə qarşı yeni sanksiyaların tətbiqinin çərşənbə axşamı elan edilməsi planlaşdırılırdı. Ancaq yeni məhdudiyyətlərin təxirə salınmasına qərar verilib. 

“Vaşinqton tərəf tutmuş kimi görünmək istəmir”, - Qərarın səbəblərini izah edən mənbə nəşrə deyib.

Xatırladaq ki, 26 yanvar 2023-cü ildə ABŞ Maliyyə Nazirliyi PMC Wagner və şirkətlə əlaqəli bir sıra Rusiya rəsmilərinə qarşı sanksiyalar tətbiq edib. O cümlədən, siyahıya Rusiya prezidenti Vladimir Putinin maliyyəçisi daxil edilib.

Fevralın 27-də Ukrayna "Vaqner" PMC-də iştirak edənlərə qarşı sanksiyalar tətbiq edib. Ümumilikdə Rusiyadan 164 fiziki və 85 hüquqi şəxs Rusiyanın Ukraynaya qarşı müharibəsində muzdluları dəstəklədiyi üçün məhdudiyyətlər siyahısına daxil edilib. 

Aprelin 13-də bildirilib ki, Avropa İttifaqı tərəfindən PMC "Vaqner" və Priqojinin digər şirkətinə qarşı sanksiyalar tətbiq edilib. Sənəddə vurğulanır ki, "vaqnerçilər" Ukraynanın ərazi bütövlüyü, suverenliyi və müstəqilliyinə xələl gətirməyə yönəlmiş hərəkətləri dəstəklədikləri üçün məsuliyyət daşıyırlar.

Nicat