Türkiyənin Baykar şirkəti 2025-ci ildə Ukraynada Bayraktar TB2 və Bayraktar Akıncı döyüş pilotsuz uçuş aparatlarının istehsalına başlamağı planlaşdırır. 

Valyuta.az “Yeni Akit” qəzetinin məlumatına istinadla xəbər verir ki, bu barədə şirkətin baş direktoru Haluk Bayraktar məlumat verib.

Bayraktarın sözlərinə görə, işlər Türkiyə şirkətinin yerli törəmə şirkəti olan Avia Ventures MMC-də aparılacaq.

Bundan əvvəl Rusiya Xarici İşlər Nazirliyinin Türkiyəni Ukraynaya yardım məsələsində ikili standartlarda ittiham etdiyi bildirilirdi. Belə ki, Rusiya Xarici İşlər Nazirliyinin dördüncü Avropa departamentinin direktoru Yuri Pilipson bildirib ki, Türkiyə tərəfindən Ukrayna Silahlı Qüvvələrinə silah və texnika tədarükü Ankaranın atəşkəsi təmin etmək və Moskva ilə Kiyev arasında vasitəçi rolunu oynamaq  niyyətlərinə ziddir.

Türkiyə 2018-ci ildən Ukraynaya özəl “Baykar Makina” şirkətinin istehsalı olan Bayraktar TB-2 hücum pilotsuz uçan aparatları verir.

Aprelin əvvəlində Rusiya Kosmik Qüvvələrinin baş komandanının müavini, general-leytenant Andrey Demin bildirib ki, Ukraynada hərbi əməliyyatlar başlayandan bəri hava hücumundan müdafiə (AD) sistemləri 100-dən çox Bayraktar pilotsuz uçan aparatı məhv edib.

Nicat