Avropa İttifaqının Brüsseldəki səfirləri 11-ci anti-Rusiya sanksiyalar paketi ilə bağlı razılığa gəliblər. 

Valyuta.az xəvər verir ki, bu barədə bloka sədrlik edən İsveç məlumat verib.

"Bu gün Aİ-nin səfirləri Rusiyaya qarşı 11-ci sanksiyalar paketi ilə bağlı razılığa gəliblər. Paket sanksiyalardan yayınmağa yönəlmiş tədbirləri özündə əks etdirir", deyə Aİ Şurasında İsveç sədrliyinin bəyanatında deyilir.

Ukrayna Prezident Aparatının rəhbəri Andrey Yermak da yeni sanksiyalar paketinin təsdiqləndiyini açıqlayıb və qeyd edib ki, sanksiyaların bir hissəsi Rusiyaya qarşı sanksiyalar üzrə müstəqil ekspertlərdən ibarət beynəlxalq işçi qrupları tərəfindən təklif edilib.

Son aylarda Avropa İttifaqı Rusiya Federasiyasına qarşı Ukraynaya müdaxiləsinə cavab olaraq tətbiq edilən yeni, artıq 11-ci sanksiyalar paketi üzərində işləyir. Yeni paket, elan olunduğu kimi, Rusiyanın sanksiyalardan yan keçmək üçün istifadə etdiyi boşluqları aradan qaldırmağa yönəlib.

Rusiyanın yüksək texnologiyalı hərbi komponentlərin idxalını məhdudlaşdırmaq üçün yeni sanksiyalar dəsti də təklif edilib.

Kütləvi informasiya vasitələri Aİ-nin 11-ci sanksiyalar paketində Rusiya Federasiyasından qazın qadağan oluna biləcəyini yazıblar. Lakin sonradan məlum olub ki, Rusiya boru kəməri qazının idxalına qoyulan qadağa yeni sanksiyalar paketinə daxil edilməyəcək.

Paşa Məmmədli