"YouTube" “Android” və “Google TV”lərdə “1080p Premium” seçimini sınaqdan keçirməyə başlayıb. 

Valyuta.az xəbər verir ki, sözügedən funksiya ilə “YouTube Premium” istifadəçiləri baxdıqları videolarda daha yüksək bit sürətinə sahib olacaqlar. Bu da onlara görüntüləri daha aydın şəkildə izləmələrinə imkan yaradacaq.

Şirkət ötən aylarda daha çox bit sürətinə malik olan 1080p Premium versiyasını təqdim edəcəyini açıqlamışdı. “YouTube”da bütün istifadəçilər videoları 1080p formatında izləyə biləcəklər. Ancaq “Premium” abunəsi olan istifadəçilər daha yüksək bit sürəti sayəsində ətraflı və hərəkətli videolara baxa biləcəklər.

Funksiya hazırda yalnız 1080p keyfiyyətində yüklənmiş videolarla məhdudlaşacaq. Yəni qısametrajlı filmlər, canlı yayımlar, və ya daha aşağı görüntü ölçüsünə malik videolar üçün mövcud olmayacaq.

Yeni funksiya xüsusiyyəti hazırda bəzi istifadəçilər üçün əlçatan olsa da, hətta portaldan ödənişli şəkildə istifadə edən bəziləri hələlik bu imkandan yararlana bilmir. Ona görə də bu funksiyanın mərhələli şəkildə tətbiq edilib-edilməyəcəyi hələlik məlum deyil.

Elmir