Dünya Meteorologiya Təşkilatı və Avropa İttifaqının (Aİ) Kopernik İqlim Dəyişikliyi Xidmətinin “Avropada İqlim Vəziyyəti 2022” adlı hesabatı dərc olunub.

Valyuta.az xəbər verir ki, hesabata görə, 2022-ci ildə Avropada orta hava istiliyi, xüsusilə qitənin qərb və cənub-qərbində yerləşən ölkələrdə rekord olaraq qeydə alınıb. Keçən il İslandiyanın şimal-qərbində və Türkiyənin kiçik bir hissəsində temperatur orta səviyyədən bir qədər aşağı olub.

Ötən il ən isti yayı yaşayan Avropanın bir çox ölkəsində isti dalğaları müşahidə edilərkən, İngiltərədə havanın temperaturu ilk dəfə 40 dərəcəni keçib. İlin orta temperaturu 1991-2020-ci illərdə 0,79 dərəcə, 1961-1990-cı illərdə isə 1,83 dərəcə olub.

Avropada hər 10 ildən bir havanın temperaturu 0,5 dərəcə artıb. Bu, 1980-ci illərdən bəri qlobal orta göstəricidən iki dəfə yüksək olaraq qeydə alınıb.

Keçən il hava hadisələri qitədə 16 min insanın həyatına son qoyub. Bu insanların 99,6 faizi istilər səbəbindən dünyasını dəyişib.

İqlim Dəyişikliyi Xidmətinin direktoru Karlo Buontempo artımın davam edəcəyini gözlədiklərini bildirib: "Bu, təəssüf ki, birdəfəlik hadisə və ya iqlim qəribəliyi hesab edilə bilməz. Həddindən artıq istilik dalğaları daha tez-tez görüləcək".

Paşa Məmmədli