ABŞ Suriyaya əlavə olaraq 920 milyon dollar humanitar yardım edəcəyini açıqlayıb.

Valyuta.az xəbər verir ki, bu barədə ABŞ Dövlət Departamentindən bildirilib.

Açıqlamada yardımın bu gün başa çatan 7-ci Brüssel Konfransı çərçivəsində edildiyi, ABŞ-ın bu il Suriya və bölgəyə etdiyi yardımın 1,1 milyard dollara çatdığı bildirilib.

Qeyd edilib ki, ABŞ Suriyada vətəndaş müharibəsi başlayandan bəri bu ölkəyə təxminən 16,9 milyard dollar yardım edib.

Qeyd edək ki, Avropa İttifaqı (Aİ) Suriyanın gələcəyini dəstəkləmək üçün 7-ci Brüssel Konfransında ümumilikdə 9,6 milyard avro qrant və kreditin ayrıldığını açıqlayıb.

Paşa Məmmədli