Hazırda Bakıda bazarlarda, marketlər şəbəkələrində meyvə və tərəvəz bolluğunun yaşandığı aydın hiss olunur. Bu qədər bolluğa baxmayaraq, hələ də Bakı bazarlarında qiymətlər əhalinin aşağı təbəqəsi üçün əlçatan deyil. 

Bəs, qiymətlər aşağı təbəqəli əhali üçün nə vaxt əlçatan olacaq?

Məhz bu məqsədlə Azərbaycanın bir neçə rayonunda meyvə və tərəvəzlərin qiyməti ilə bağlı sorğu apardıq. 

Salyan və Neftçala rayonlarından Valyuta.az-a verilən məlumata görə, əriyin bir kilosu 1-1.5 manat arasında satılır. Gilasın bir kilosu 1-1.30 manat, alçanın kiloqramı 50-70 qəpikdir.

Hər iki rayona əla sort albalı Qubadan gəldiyi üçün bir kilosu 2 manata, cır sort deyilən albalı isə kilosu 1 manata alıcılara təklif olunur. Şaftalının isə kilosu 1 manatadır.

Hər iki rayondan verilən məlumata görə, bu il tərəvəzlərin qiymətində enmə var. Pamidor və xiyarın bir kilosunun qiyməti 80 qəpikdir.

Satıcılar deyir ki, meyvə və tərəvəzin Bakıya daşınma xərci birbaşa qiymətlərə təsir edir. Məhz bu səbəbdən də Bakı bazarlarında bəzi meyvələrin qiymətində enmə müşahidə olunmur.

Aylin