Azərbaycanda fəaliyyət göstərən türk iş adamı Serhad Yolcakarın ölkədən çıxışı məhdudlaşdırıla bilər.

Valyuta.az xəbər verir ki, İqtisadiyyat Nazirliyi yanında Dövlət Vergi Xidmətinin Bakı Şəhəri Kiçik Sahibkarlarla İş üzrə Baş İdarəsi bu barədə Bakı Kommersiya Məhkəməsinə xüsusi icraat qaydasında ərizə ilə müraciət edib.

İş hakim Aytən Əliyevanın icraatındadır. İyunun 16-na məhkəmə baxış iclası təyin edilib.

Araşdırmalarımız zamanı məlum olub ki, Serhad Yolcakar Azərbaycanda logistika fəaliyyəti ilə məşğul olub. Onun adı Dövlət Vergi Xidmətinin reyestr məlumatlarında “Alat Logistics Centre” MMC-nin qanuni təmsilçisi kimi keçir.

Maraqlıdır ki, bu şirkətin vergi borcu yoxdur. Serhad Yolcakarın fərdi sahibkar kimi VÖEN-i olmadığına görə onun borcu barədə bilgi almaq mümkün deyil. 

Hüseyn