“Azərbaycanda dərman qıtlığının iki səbəbi var. Birincisi, bir ilə yaxndır ki, əczaçılıq zavodlarına xammalın daxil olduğu ən böyük ölkələr olan Çin və Hindistanda istehsal problemi yaranıb. Başqa sözlə, tələb olunan miqdarda xammal istehsal olunmur. İkincisi, bir sıra dərman preparatlarının qiymətində olan qiymət artımının səviyyəsi əczaçı monopolistlər tərəfindən daha da yüksəldilir”.

Bunu Valyuta.az-a açıqlamasında həkim Səxavət Əlisoy Azərbaycanda dərman qıtlığından danışarkən deyib. 

“Mövcud qıtlığın müvəqqəti xarakter daşıdığı qənaətindəyəm. Ancaq ölkə əhalisini dərman preparatlarını ilə təmin edən qurumun öz işinin öhdəsindən gələ bilmədiyi ortadadır. Hökumət qeydiyyatda olan xroniki xəstələrin tələbatına uyğun miqdarda dərman preparatlarının ölkəyə gətirilməsində mükəlləfdir. Bu proses kortəbii olaraq tənzimlənmir”, deyə həkim bildirib.

Səxavət Əlisoy hesab edir ki, ürək-qan damar, şəkərli diabet, onkoloji xəstələrin dərmansız qalması çox ciddi fəsadlar verə bilər:

“Odur ki, fors-major vəziyyət hər zaman nəzərə alınmalıdır. Təəssüf ki, Azərbaycan hökünətinin bu məsələdə axsaqlığı var”.

Aylin