2023-cü ilin yanvar-mart aylarında “Naxçıvanbank” ASC-nin aktivləri 9,4% - 313 milyon 869,59 min manata qədər azalıb. 

Bu barədə Valyuta.az-a bankdan məlumat verilib.

Mart ayının sonuna bankın kredit portfeli 173,671 milyon manat (2022-ci ilin sonuna olan göstərici ilə müqayisədə artım 0,03%) təşkil edib.

Bankın öhdəlikləri 196 milyon 853,5 min manata (azalma 16%), depozitlər 112,447 milyon manata (azalma 27,6%), əhalinin əmanətləri 6,799 milyon manata (azalma 34,4%) bərabərdir.

“Naxçıvanbank”ın kapitalı 117 milyon 16,08 min manat (artım 4,3%), nizamnamə kapitalı 94 milyon manat (dəyişməyib) təşkil edir.

Cari ilin I rübünün yekunları üzrə bankın xalis mənfəəti 5 milyon 56,8 min manat təşkil edib ki, bu da ötən ilin müvafiq dövrünün göstəricisindən 44,1% çoxdur.

“Naxçıvanbank” 2008-ci ilin avqust ayında bank fəaliyyətinin həyata keçirilməsi üçün lisenziya alıb. Bankın səhmdarları fiziki şəxslərdir.