Məhərrəm ayı başa çatandan sonra toyların keçirilməsi davam edir. Maraqlıdır, müğənnilər toy məclislərinə nə qədər qiymətə gedir? Bunu araşdırmağa çalışmışıq.

Müğənnilərin toy qiymətlərini sizə təqdim edirik:

“Kolizey” şadlıq sarayının əməkdaşının saytımıza verdiyi məlumata görə, əvvəlcə toy sahibləri günü təyin edəndən sonra restoranın əməkdaşları müğənninin prodüsseri ilə əlaqə saxlayır. Müğənninin həmin gün məclisdə iştirak edə biləcəyi barədə məlumat əldə edirlər. Bundan başqa, həftənin günlərindən də asılı olaraq, qiymət dəyişikliyi ola bilər. Belə ki, bazar ertəsi bütün restoranlar boş olur. Restoran boşdursa, deməli, müğənni də təşkil etmək asan olur. Yəni, filan müğənni bazar günü toyu 1 saatı 5 min manata oxuyursa, bazar ertəsi 3-4 min manata oxuyur.

Bu yaxınlarda toy edən Nigar adlı xanım Lent.az-a deyib ki, toyda oxuyan müğənnini şadlıq sarayının təşkilatçı əməkdaşları təşkil etmişdi. Yəni, müğənninin aldığı qonorar toy sahiblərinin restorana ödədiyi məbləğin daxilində idi.

Bundan başqa, Bakıda şənliklərin təşkilatçısı kimi fəaliyyət göstərən Sevil Ağazadə deyir ki, toy sahibinin istəyinə uyğun müğənni seçilir:

“Ən populyar müğənnilər ansamblla bir yerdə bütün toyu 15-20 minə oxuya bilər. Nişan, xınayaxdı mərasimlərinə müğənnilər nadir hallarda dəvət olunur. Səbəbi isə həm fonoqram oxuduqlarına görədir, həm də toy yiyəsinə qiymət sərf etmir”.

Keçək qiymət siyahısına:
Zahidə Günəş – yarım saatı 200 manata;
Elton ansamblla birgə – bir saatı 2 min manata;
Dana Dürdana – bir saatı 1500, bütün toyu 3 min manata;
Aynur Dadaşova və İzzət Bağırov da eyni qiymətə oxuyur;
Rüfət Axundov – bir saatı 2 min, bütün toyu 4 min manata;
Türkan Vəlizadə – bir saatı 2500, bütün toyu 5 minə oxuyur;
Şəbnəm Tovuzlu – bir saatı 3 min, bütün toyu 6 min manata oxuyur;
Xatirə İslam – yarım saat tək ifa 3 min 500 manat, öz ansamblı ilə bütün toy 10 min manata;
Damla – yarım saat 2 min manata;
Sevda Yəhyayeva – yarım saat 3 min manata;
Namiq Qaraçuxurlu – yarım saatı 3 min manata;
Könül Kərimova – yarım saatı 3 min manata, ansambl ilə 8 min manata oxuyur;
Xalq artistləri Röya Ayxan və Aygün Kazımova toyda yarım saata 8 min manat qazanırlar;
Xalq artisti Faiq Ağayev və Sevil-Sevinc bacıları yarım saatı 4 min manata, bütün toyu 8 min manata oxuyur;
Abbas Bağırov ansamblla birgə bütün toyu 20 min manata oxuyur.