Azərbaycan Mərkəzi Bankı (AMB) Beynəlxalq Maliyyə Korporasiyasının yaratdığı Dayanıqlı Bankçılıq və Maliyyə Şəbəkəsinə (DBMŞ) üzv seçilib.

Valyuta.az bu barədə AMB-yə istinadən xəbər verir.

DBMŞ dayanıqlı maliyyə üzrə milli təşəbbüslərin icrası üçün üzv ölkələrin potensialının artırılması və məlumat mübadiləsi üzrə platforma olaraq, milli dayanıqlı maliyyə strategiyası və yol xəritələrinin formalaşdırılması və realizasiyası üzrə üzv təşkilatlara texniki dəstək göstərir.

Maliyyə sektorunun dayanıqlı maliyyəyə transformasiyası ARMB-nin qarşıdakı strateji dövrdə əsas prioritetlərindən biridir. Bu istiqamətdə AMB dayanıqlı maliyyə çəvçivəsinin formalaşdırılması üzrə işlərə başlayıb və beynəxalq təcrübə araşdırılmaqla dayanıqlı maliyyə üzrə Yol xəritəsi hazırlayıb.

"Ölkəmizdə maliyyə sektorunun tənzimlənməsi və nəzarəti funksiyasını həyata keçirən meqarequlyator olaraq AMB-nin DBMŞ-yə üzv seçilməsi bu siyasətinin həyata keçirilməsində geniş təcrübə və fikir mübadiləsinin aparılması üçün faydalı olacaq", - deyə qurum bəyan edib.