Noyabrın 2-də ayrı-ayrı dövlət qurumlarına məxsus ümumilikdə 21 avtomobilin hərracda satışı təşkil olunacaq.

Valyuta.az xəbər verir ki, avtomobillərin 9-u “Azəralüminium” ASC-nin, 1-i “Azərbaycan Hava Yolları” QSC-nin Milli Aviasiya Akademiyasının, 8-i Azərbaycan Baş Prokurorluğunun, 2-si Daxili İşlər Nazirliyinin Maddi-Texniki Təminat Baş İdarəsinin balansında olan Avtomobil Təsərrüfatının, 1-i isə Kənd Təsərrüfatı Nazirliyinin Üzümçülük və Şərabçılıq Elmi-Tədqiqat İnstitu tərəfindən satışa çıxarılır.

Qeyd edək ki, sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) və yaxud  e–emlak.gov.az elektron portalı vasitəsilə  hərracın keçirilməsinə ən gec 3 (üç) bank günü qalanadək qəbul olunacaq: 

Nəqliyyat vasitələri barədə ətraflı məlumatı privatization.az portalından almaq olar. 

Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:

1. Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi,nizamnaməsi və VÖEN)

2. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir) / (tel:566-07-44)

Ziya İkramlı