Bu ilin yanvar-avqust aylarında Azərbaycanın nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 713,6 milyon sərnişin daşınıb.

Valyuta.az xəbər verir ki, bu barədə Dövlət Statistika Komitəsinin yaydığı hesabatda qeyd edilib. 

Məlumata görə, əvvəlki ilin eyni dövrü ilə müqayisədə bu göstərici 8,2% azalıb.

Hesabat dövründə sərnişinlərin 91,3%-i və ya 651,8 milyonu avtobus, 8,7%-i və ya 61,8 milyonu isə minik taksilərinin xidmətlərindən istifadə edib.

Avtobusla daşınan sərnişinlərin sayı illik ifadədə 12,9% azalıb, taksidən istifadə edən sərnişinlərin sayı isə 2,1 dəfə artıb.

Hesabat dövründə avtomobil nəqliyyatı ilə sərnişin dövriyyəsi 8,1% azalıb.