“MƏNNUR TİKİNTİ” MMC tərəfindən Azərbaycan Respublikası əmək qanunvericiliyinin tələblərinin pozulduğu və qanunla nəzərdə tutulmuş qaydada əmək müqaviləsi bağlanmadan müxtəlif şəxslərin işlərin görülməsinə cəlb edilməsi faktı aşkar olunub.

Bu barədə Valyuta.az-a Qazax Rayon Prokurorluğundan məlumat verilib.

Hər iki faktla, eləcə də fəhlənin tikinti zamanı az ağır dərəcəli bədən xəsarəti alması ilə bağlı Qazax rayon prokurorluğunda yoxlama aparılıb. 

Yoxlama nəticəsində İnzibati Xətalar Məcəlləsinin 192.1 (əmək qanunvericiliyinin pozulması) və 198.3-cü (əməyin mühafizəsi qaydalarının pozulması - zərərçəkmiş şəxsin sağlamlığına az ağır zərər vurulmasına səbəb olduqda) maddəlləri ilə inzibati xəta haqqında iş üzrə icraat başlanıb. 

Toplanmış materiallar baxılması üçün aidiyyəti üzrə rayon məhkəməsinə göndərilmiş və məhkəmənin 2021-ci il 10 iyun tarixli qərarı ilə “MƏNNUR TİKİNTİ” MMC-yə 20 min manat məbləğində inzibati cərimə növündə tənbeh tətbiq edilib.

Ömər Vəzirli