Türkiyədə Milli Süni Zəka Strategiyası (2021-2025) ictimaiyyətə təqdim edilib.

Valyuta.az Report.az-a istinadən xəbər verir ki, strategiyanı Türkiyənin sənaye və texnologiya naziri Mustafa Varank təqdim edib.

Onun sözlərinə görə, 2025-ci ilədək bu sahədə 50 min kadr üçün məşğulluq imkanlarının təmin edilməsi başlıca hədəflər arasındadır.

“2025-ci ildə süni zəka sahəsində məşğulluğun ən az 50 minə çatmasını hədəfləyirik. Bunun üçün ixtisaslı və kompitent insan resurslarının yetişməsi ilə bağlı önəmli tədbirlər müəyyənləşdirilib”, - o qeyd edib.